Duela egun batzuk, Tecnun Telekomunikazio Masterreko bost ikasle ; Miren Azcárate , Lucía Merino , María Prats , Marta Urquizu eta Fátima Villa Frantziako Marseilla hirian egin den Europar Espazio Astean egin den Galileo Masters (European Satellite Navigation Competition) lehiaketaren sari banaketan izan dira.

Euren kasuan, Euskal Herriko lehen saria irabazi zuten. “Sari orokorrerako hautagaiak ere izan ginen, baina gainontzeko parte-hartzaileen maila handia dela eta, kategoria horretan ere ezin izan genuen irabazi”, diote Telekomunikazioko ikasleek, lortutako errekonozimenduarekin, hala ere, pozik agertzen direnak.  

Lehiaketaren helburua Galileo , Europako nabigazio sistema erabiltzen zuen Startup bat garatzea zen. "Gure ideia, Galifire , satelite-irudiak erabiltzean (Copernicus Sentinel sateliteak) Galizian izan daitezkeen baso-suteak antzemateko eta gero Galileo larrialdi zerbitzuen nabigazio-sisteman aplikatzea izan zen haien antolakuntza ezin hobea izateko", azaldu dute Tecnun ikasleek. .

Horiek guztiek esker ona erakusten diote BIC Gipuzkoari : “Kongresuan gidatzeko aholkulari estrategiko bat eskaintzeaz gain, BICek Marseillan egindako bidaia eta egonaldia finantzatu zituen. Bestalde, bere laguntza eskaini zigun enpresa-plan bat garatzeko eta ekintzaile berritzaileentzako funts publikoetarako sarbidea izateko», diote.

Hala ere, saririk handiena Euskal Herriko edozein enpresa-haztegitan hamabi hilabeteko inkubazio programa batean parte hartzeko aukera izan zen». Tecnun bost ikasle hauek ziur asko aprobetxatzen jakingo duten aukera.