Informazioaren eta komunikazioaren teknologia berrietan adituak elkartu ziren bertan Tecnun murgilduta dauden proiektuen nondik norakoak partekatzeko helburuarekin, hala nola 5G telefonia, energia-aurrezpenaren optimizazioa edo big data- ek osasun arloan duten papera.

Azken puntu honi buruz, Idoia Ochoa ikasle ohi eta telekomunikazio ingeniari donostiarrak parametro biologikoekin paziente bakoitzak jasoko duen tratamendua nola pertsonalizatu daitekeen azaldu zuen. Gaur egun Illinoisko Unibertsitateko irakasle eta ikerlaria den Ochoa-k , informazioaren konpresioaren teknologiari esker, pazientearen datu biologikoen kalitatea -orain arte leku asko hartzen zuten- hobetu daitekeela, bere azterketa erraztuz. "Sekuentziazioa merkea dela eta informazio asko lor daitekeela ikusita, guk egiten duguna da algoritmo hauek ikerketa zentroei eta ospitaleei ematea". 

COMONSENS bikaintasun sareak eta IEEEk antolatutako biltzar hau, Zientzia eta Berrikuntza Ministerioak bultzatutako Consolider programaren barruan dago eta Telekomunikazio Ingeniaritzan adituen sarea sustatu nahi du. Ekimenak Espainiako 10 ikerketa-erakundetako 135 ikertzaile biltzen ditu eta Kataluniako Unibertsitate Politeknikoak (UPC) koordinatzen du.

Bileran, besteak beste, Geert Leus eta Georgios Giannakis adituek parte hartu dute, Delft -eko eta Minnesotako Unibertsitatekoak, hurrenez hurren. Haien aurkezpenetan seinaleen prozesamenduan eta big datan oinarritutako teknika berriak jorratu ziren 5G sare mugikorren eta sentsore sareen errendimendua hobetzeko.