Tecnun Solidariun -en lehen edizioa hartu du gaur goizean, Gipuzkoako GKEentzako ate irekien jardunaldia. "Helburua da ikasleek eta langileek lurraldearen behar sozialak bertatik bertara ezagutzea", esan du Raúl Antón Tecnun zuzendariak. “Unibertsitateko ikasleok pertsona askoren bizi-kalitatea hobetzeko egunero lan egiten duten erakundeen bozeramaile izateko ardura dugu”.

Egun osoan zehar, Tecnun eta Ceit -Ik4ko ikasle eta profesionalek Cáritas Gipuzkoa , Aspace , Gautena , Paliativos sin Fronteras , Cruz Roja Gipuzkoa , Matia Fundazioa edo Afagi bezalako erakunde sozialen lana ezagutu zuten, besteak beste.

Eguna Donostiako campusean 200 boluntario baino gehiagok osatzen duten Tecnun -Nafarroako Unibertsitateko Denbora Banku Solidarioak antolatu du jardunaldia .

Tantaka 2008an sortu zen Nafarroako Unibertsitatean, unibertsitate komunitatearen denbora GKEen eskura jartzeko asmoz. Tantakaren funtsa etorkizuneko boluntarioei euren lehentasunei edo zaletasunei ondoen egokitzen den proiektu soziala eskaintzea da. «Literatura gustuko duten eta egoitzetan ipuinak irakurtzeko eskaintzen dituzten boluntarioak ditugu, edo gizarte-bazterketa egoeran dauden pertsonekin jokatzen duten futbolzaleak», adierazi zuen zuzendariak.

Bere aldetik, Maite Peña Gizarte Politiketako diputatuak ekitaldia itxi du Gipuzkoa “Lurralde solidarioa” dela adieraziz, eta zentzu horretan, Aldundiak elkarte hauei “lagun eta laguntzen jarraituko duela” ziurtatu du, bai «Arlo ekonomikoan zein informazio eta prestakuntzan».

Amaitzeko, Maite Peñak nabarmendu nahi izan du gazte gipuzkoar askoren inplikazioa ekintza solidarioetan, GKEen eta Hirugarren Sektoreko beste elkarte batzuen bitartez.